Дэлхийн хамгийн өндөр барилгуудыг шинээр тодорхойлов

Counsil on Tall Buildings and Urban Habitat барилгуудын өндрийг тодорхойлох шалгуураа шинэчилсэн байна.
Чикаго хотод төв нь байрладаг тус байгууллага 11-р сард мэдэгдэхдээ барилгыг хэмжихдээ төв хаалганаас нь эхэлж хэмждэг байсныг өөрчилж газар доорх явган хүний ил гарцуудыг нэмж оруулан тооцох болсон байна. Мөн барилгуудын дээврийн нэмэлт хурц орой бүхий тоноглолууд ихээр ашиглагдаж эхэлсэн болохоор дээвэр хүртэл хэмжигддэг байсан нь өөрчлөгдөж оройн дээд өнцөг хүртэл хэмжих болсон байна.



Ийнхүү шинэчилсэн шаардлагаар дэлхийн хамгийн өндөр барилгуудын жагсаалтанд бага зэрэг өөрчлөлт орсон байна. Нэгдүгээрт, ирэх сар нээлтээ хийх 818 метр өндөр Owings & Merrill-ийн Burj Dubai хэвээрэй байна. Эхний 5 байрт ямарваа өөрчлөлт байхгүй ба 7-р байранд байсан SOM-ын Trump International Hotel & Towers мөн SOM-ын Шанхай дахь Jin Mao барилгын дээр гарч 6-р байранд орсон байна.



Тус байгууллагын Өндрийн комиссын тэргүүн Peter Weismantle Burj Dubai дэлхийн хамгийн өндөр барилга болох нь тодорхой байсан ч барилгуудын өндрийг хэмжих шалгуураа шинэчлэх нь зүйтэй гэсэн шийдвэр гаргаснаа албан ёсоор мэдэгджээ.

Эх сурвалж: Architectural Record

Монголын Ардчилсан Намын төв байрны уралдаан

Саяхан Монголын Ардчилсан Намын төв байрны уралдаан зарлагдваа, хугацаа нь 2 долоо хоног. Мэргэжилдээ superman биш л бол амжихад тун хэцүү хугацаа. Ороод үзэх хэрэгтэй байдаг, өмнө нь монголд энэ төрлийн уралдаануудад орж байгаагүй тул сонирхолтой байдаг. Тэгээд нэг юм ухантаад хийлээ, өглөө. Өгөгдлүүд гэхээр юм байхгүйгээс ялгаагүй. Тэгээд мэдээж сайн бүтээл гарсангүй. Нэгдүгээр байрт ч орох найдвар байгаагүй, тэгээд ч орсонгүй. Гол санаа нь ардчилсан өргөө маань өмнөх талбайгаа хэвээр хадгалан үлдэж мөн хажуугийнхаа 2 барилгадаа хүндэтгэлтэй хандахад байсан юм. Хажуугийн барилгууд (Соёлын Төв Өргөө, Дуурь бүжгийн театр)Улаанбаатарын түүхэнд чухал барилгуудын тоонд зүй ёсоор орох тул тэдний аливаа элементийг бөглөж таглах нь ёс суртахуунгүй асуудал болох юм.
Эцэст нь 60 чавганц уралдахаар 1 нь түрүүлдэг хойно, тодорхой критериэр бодвол шалгаруулсан л юм шиг байна лээ. Нийт бүтээлүүдээр үзэсгэлэн зохиовол очиж үзэх юмдаг.
За тэгээд бусад архитекторууддаа амжилт хүсье, цаашдаа энэ салбар маань бусдын хэмжээнд хүрэхийг ерөөе! Гол нь хичээл зүтгэл шүү залуусаа!

Интерьер

Нэг айлын интерьерийг орууллаа, 1 жил хагасын өмнө хийж байсан. Дашрамд хэлэхэд айлын гэрийн интерьерийг аль болох авахгүй байхыг хичээгээрэй дизайнеруудаа :)

Их сургуулийн цогцолбор

Нэгэн их сургуулийн цогцолборын эскизийг тавилаа. Ноднин жил хийж байсан, бас л цааш үргэлжлэн зурагдаагүй эскизний шатан дээрээ үлдсэн төсөл. Хямрал дуусахаар байдал сайжрах байхөө.

Bjarke Ingels: 3 warp-speed architecture tales (video link)

House 13

Удаан алга боллоо, гэхдээ энэ хооронд нэлээд олон ажил хийлээ, ажлуудаасаа энд тавихын тулд зөвшөөрөл авах хэрэгтэй гэж бодсоны үүднээс зарим томоохон ажлуудыг дараа тавихаар шийдлээ. Доорхи орон сууц нь 13-р хороололд төлөвлөгдөж байсан.

Дэлхийн шилдэг 100 архитектурын компани

"World Architecture Top 100" 16 жилийн турш дэлхийн архитектурын шилдэг компанийг тодорхойлж ирсэн. Өмнөх жилүүдийн хувьд компаниудыг нийт ажилчидынх нь тоогоор тодорхойлдог байсан бол энэ жил ажилладаг архитекторуудынх нь тоогоор тодорхойлсон байна.

Гачууртын амины орон сууц

Гачууртын амины орон сууцны барилга нь баригдаад эхэлжээ. Энд явцын зургийг нь орууллаа. Барилгын баг нь ч нэлээд сайн баг санагдлаа, боломжийн цэвэрхэн барьсан байна. Одоо өнгөлгөөний материалуудаа сонгоод цэвэрхэн өнгөлчихвөл подхийсэн байшин босохнээ.

Азербайжаны Зира арлын эко-хотхон

Цогцолбор нь Азербайжаны 7 толгодоос сэдэвлэн 7 үндсэн барилгын корпусаас бүтсэн олон нийтийн барилгууд, үйлчилгээний төвүүд, орон сууцууд, ногоон бүсүүд, далайн эргийн зурвас, гольфийн талбай мөн 300 амины орон сууцнуудаас бүрдэх юм байна. Толгодууд мэт харагдах барилгууд нь арлын үндсэн силуэттэй нэгэн цогц болон нэгдэх юм.

Өнөөдөр Masdar, Rioja, Dongtan г.м төстэй олон төслүүд боловсруулагдаж, зарим нь баригдаад эхэлсэн байгаа билээ. Бүгд карбон суурьтай бодисуудыг ашиглахгүй байхаар тооцоолж энергийн эх үүсвэрээ нар, салхи, уснаас гаргаж авах юм.

Барилгын гадаргуунууд дээр сурилуулах нарны энергийг цуглуулах төхөөрөмжүүд, ус халаах төхөөрөмжүүд, салхин сэнснүүд, ногоон бүсүүд гээд олон асуудлыг шийдсэн ч харин хогны асуудал нь хамгийн хүнд асуудлуудын нэг байгаа юм байна.

Why do architects wear black?

Саяхан Спрингер хэвлэлийн газраас ийм нэртэй нэгэн ном хэвлүүлэн гаргасан байна. Номын зохиогч Cordula Rau 2001 онд нэгэн үйлдвэрийн эзэн өөрт нь энэхүү асуултыг тавьж байсныг ном болгон гаргаж илүү өргөн хүрээнд хариулт олохыг хичээжээ. Peter Eisenman, Francoise-Helene Jourda, Jaques Herzog, Rem Koolhaas зэрэг 100 архитектор ба дизайнеруудаас дээрх асуултыг асууж хариултыг авсан гэнэ. Сонирхолтой л юм.